18 наурыз күні мектебімізде «Наурыз – жыл басы» тақырыбында мазмұнды әрі тағылымы мол іс-шара өткізілді
18 наурыз күні мектебімізде «Наурыз – жыл басы» тақырыбында мазмұнды әрі тағылымы мол іс-шара өткізілді
Іс-шараның басты мақсаты – оқушыларға Наурыз мерекесінің мән-маңызын түсіндіру, ұлттық салт-дәстүрлерді дәріптеу, сондай-ақ халқымыздың бай мәдени мұрасын насихаттау болды.
Шара барысында оқушыларға Наурыз мейрамының шығу тарихы мен ерекшеліктері туралы мәліметтер ұсынылды. Әсем әндер шырқалып, күмбірлеген күй орындалып, мерекелік көңіл-күй сыйлады. Сонымен қатар, ұлттық тағамдар таныстырылып, қазақ халқының қонақжайлығы мен дархандығы кеңінен насихатталды.
Осындай тәрбиелік мәні зор шаралар жас ұрпақтың ұлттық рухын көтеріп, елжандылыққа, бірлік пен татулыққа тәрбиелеуде үлкен рөл атқарады.
