23 наурыз – Тазару күніне орай мектебімізде тазалық пен тәртіпке бағытталған іс-шаралар ұйымдастырылды.

Наурызнама тұжырымдамасы аясында 23 наурыз – Тазару күніне орай мектебімізде тазалық пен тәртіпке бағытталған іс-шаралар ұйымдастырылды.

Бұл күннің басты мақсаты – қоршаған ортаны таза ұстау, табиғатқа деген жанашырлықты арттыру, сондай-ақ оқушылардың экологиялық мәдениетін қалыптастыру. Іс-шара барысында мектеп ауласы тазартылып, сенбілік жұмыстары жүргізілді.

7 «А» сынып оқушысы Нұрланова Айриза мен 4 «В» сынып оқушысы Нұрланов Нұралы ата-анасымен бірге Тазару күніне белсене қатысып, тазалық жұмыстарына өз үлестерін қосты.

Тазару күні – тек сыртқы тазалық қана емес, жан дүниені де жаңарту, жақсы ой мен игі істерге бастау алатын ерекше күн.